వాహనం మంచిర్యాలలో.. టోల్‌ మధ్యప్రదేశ్‌లో..

మంచిర్యాలలో ఉన్న వాహనం

ఆధునికతో సమయం ఆదా, పనులు సులువుగా అవుతుండటంతో పాటు అప్పుడప్పుడు సమస్యలు కూడా ఎదురవుతాయి అనడానికి ఈ సంఘటనే నిదర్శనం. సోమవారం మధ్యాహ్నం మంచిర్యాలలో ఉన్న(టీఎస్‌19ఎఫ్‌ 3939)వాహనానికి మధ్యప్రదేశ్‌ రాష్ట్రం జబల్‌పూర్‌ జిల్లా మోతార గ్రామంలోని టోల్‌ దాటినట్లు సందేశం రావడంతో పాటు ఫాస్టాగ్‌లోని నగదు చెల్లింపు జరిగినట్లు వచ్చింది. మంచిర్యాలలో ఉన్న వాహనానికి మధ్యప్రదేశ్‌లో టోల్‌ పడటంపై యజమాని కంగుతిన్నారు. వెంటనే సంబంధిత విభాగానికి ఫిర్యాదు చేశారు. ఈ ఘటనతో ఫాస్టాగ్‌ లావాదేవీలతో పాటు ఏదైనా ఇబ్బందికర పరిస్థితి నెలకొంటే ఎవరు బాధ్యత వహిస్తారని ఆందోళన వ్యక్తం చేస్తున్నారు. 

న్యూస్‌టుడే, మంచిర్యాల సిటీ

మధ్యప్రదేశ్‌లో టోల్‌ పడ్డట్లు యజమానికి వచ్చిన సందేశం