Gudivada: ‘నానీ నీ డ్రామాలిక చెల్లవు’

మాట్లాడుతున్న రావి, వెనిగండ్ల

గుడివాడ గ్రామీణం, న్యూస్‌టుడే : గుడివాడ ఎమ్మెల్యే కొడాలి నాని ఎన్నికల వేళలో వేసే డ్రామాలు అందరికీ తెలుసని, ప్రతిపక్షాలపై అడ్డగోలుగా విమర్శలు చేస్తే ప్రజలు నమ్మరని మాజీ ఎమ్మెల్యే రావి వెంకటేశ్వరరావు అన్నారు. స్థానిక తెదేపా కార్యాలయంలో బుధవారం నిర్వహించిన విలేకరుల సమావేశంలో ఆయన మాట్లాడారు. వ్యాపార రీత్యా  గుడివాడ నుంచి అమెరికా వెళ్లిన రాము జన్మభూమిపై మక్కువతోనే వచ్చి సేవ చేస్తున్నారన్నారు. తెదేపా గెలుపే లక్ష్యంగా మేమంతా కలిసి పని చేస్తున్నాము. పదిమందిని వెంటేసుకుని ఇసుక, మట్టి, మద్యం మాఫియా, జూదం, క్యాసినోలు లాంటి వాటితో నీ బతుకు సాగుతోంది. మా గురించి మాట్లాడే అర్హత మీకు లేదు. జగన్‌ దగ్గర ఎంత తీసుకొని వైకాపాలో చేరావో చెప్పాలని ప్రశ్నించారు. తెదేపాలో విభేదాలు సృషించడానికి ఎన్ని కుట్రలు చేసినా ఎవరూ నీ జిమ్మిక్కులకు పడిపోము, రానున్న ఎన్నికల్లో నీకు ఓటమి తప్పదు జాగ్రత్త అని తెలిపారు. తెదేపా, జనసేన ఉమ్మడి అభ్యర్థి వెనిగండ్ల రాము తదితరులు పాల్గొన్నారు.