వైకాపా నాయకుడి నోటి దురుసు

కృష్ణలంక: ఎన్నికల ప్రచారం నిర్వహిస్తున్న తెదేపా మహిళా కార్యకర్తను వైకాపా నాయకుడు అసభ్య పదజాలంతో దూషించిన ఘటన రాణిగారితోటలో చోటుచేసుకుంది. 18వ డివిజన్‌కు చెందిన తెదేపా నాయకులు, కార్యకర్తలు శనివారం ఎన్నికల ప్రచారం చేశారు. తెదేపా కార్యకర్త పరికపాటి మహాలక్ష్మి సైకిల్‌ గుర్తుకే ఓటేయాలంటూ కరపత్రాల పంపిణీ చేస్తున్నారు. అదే సమయంలో వైకాపా వారు ర్యాలీగా అటువైపు వచ్చారు. ఈ క్రమంలో స్థానిక వైకాపా నాయకుడైన కుమ్మరి నాగేశ్వరరావు మహిళా కార్యకర్తను అసభ్య పదజాలంతో దూషించడంతో ఆమె నొచ్చుకున్నారు. స్థానిక తెదేపా నాయకులతో కృష్ణలంక పోలీస్‌స్టేషన్‌కు వెళ్లి అకారణంగా తనను అసభ్య పదజాలంతో దూషించిన వ్యక్తిపై బాధితురాలు ఫిర్యాదు చేశారు.