దళితులపై దాడి కేసులో డీఎస్పీ సుభాష్‌ దర్యాప్తు

బాధితుని విచారిస్తున్న డీఎస్పీ సుభాష్‌, సీఐ రామారావులు

పెదపులిపాక (పెనమలూరు), న్యూస్‌టుడే: పెదపులిపాకలో దళితులపై వైకాపా దాడి కేసుపై బుధవారం డీఎస్పీ సుభాష్‌ బుధవారం దర్యాప్తు చేపట్టారు. గత ఆదివారం రాత్రి జరిగిన ఈ ఘటనపై ఎన్నికల కమిషన్‌ ఆదేశాల మేరకు.. పెనమలూరు పోలీసులు మంత్రి జోగి రమేష్‌ కుమారుడు రాజీవ్‌, పెదపులిపాకకు చెందిన వైకాపా కార్యకర్తలు రబ్బాని, మాబు సుభాని, ఫరీద్‌బాషా, సుభాని, మరో ముగ్గురిపై కులదూషణ, దాడి కేసులు నమోదు చేశారు. ఉన్నతాధికారులు ఈ కేసు విచారణ బాధ్యతలను డీఎస్పీ సుభాష్‌కు అప్పగించారు. దీంతో సుభాష్‌ బుధవారం గ్రామానికి చేరుకొన్నారు. సీ‡ఐ రామారావుతో కలిసి విచారణ జరిపారు. సంఘటనపై  బాధితులు, స్థానికులను వీరు పలు కోణాల్లో విచారించారు. సంఘటన ఎప్పుడు జరిగింది, ఎందుకు జరిగింది? ఎంతమంది పాల్గొన్నారు అన్న వివరాలను వీరు బాధితుల నుంచి తెలుసుకున్నారు. కేసు దర్యాప్తును వేగంగా చేయనున్నట్లు డీఎస్పీ వివరించారు. గ్రామ రెవెన్యూ అధికారి దేవసహాయం దర్యాప్తులో పాల్గొన్నారు.