ఆయువు తీసిన అనుకోని ఘటన
ఆర్మీలో చేరాలని కలలుకన్న ఓ యువకుడు అనుకోకుండా చోటుచేసుకున్న ఓ సంఘటనతో మనస్తాపానికి గురయ్యాడు. ఈ క్రమంలోనే ఆత్మహత్య చేసుకోవాలనుకుని రైలు పట్టాలపై
రైలు పట్టాలపై కూర్చుని యువకుడి దుర్మరణం
వినుకొండ, న్యూస్టుడే: ఆర్మీలో చేరాలని కలలుకన్న ఓ యువకుడు అనుకోకుండా చోటుచేసుకున్న ఓ సంఘటనతో మనస్తాపానికి గురయ్యాడు. ఈ క్రమంలోనే ఆత్మహత్య చేసుకోవాలనుకుని రైలు పట్టాలపై కూర్చున్నాడు. అంతలో స్నేహితుడికి ఫోన్ చేసి మాట్లాడుతుండగా రైలు ఢీకొట్టడంతో దుర్మరణం చెందాడు. వినుకొండలోని ఏనుగుపాలెం రైలు గేటు వద్ద సోమవారం అర్ధరాత్రి ఈ ఘటన జరిగింది. రైల్వే పోలీసుల కథనం ప్రకారం.. ప్రకాశం జిల్లా అద్దంకి మండలం వేలమూరిపాడు ఎస్సీ కాలనీకి చెందిన కొప్పుల శివ(24) ఆర్మీలో చేరాలన్న ఆలోచనతో కోచింగ్కు వెళ్లాలన్న ప్రయత్నంలో ఉన్నాడు. సోమవారం చరవాణిలో మరొకరితో మాట్లాడుతుండగా తన గురించి అంటున్నాడన్న అనుమానంతో అదే గ్రామానికి చెందిన ఓ మహిళ అతనితో గొడవ పడింది. అనంతరం రెండువర్గాల బంధువులు గొడవపడి దాడి చేసుకుని అద్దంకి పోలీస్స్టేషన్లో కేసులు పెట్టుకున్నారు. తనపై దాడిచేయడంతో పాటు కేసు పెట్టారని మనస్తాపంతో శివ వినుకొండకు వచ్చాడు. అదేరోజు రాత్రి 11.30 గంటల సమయంలో రైలు పట్టాలపై కూర్చుని తన స్నేహితుడికి ఫోన్ చేసి తాను చనిపోతున్నానని చెప్పాడు. ఈ సమాచారం అతను శివ కుటుంబ సభ్యులకు చెప్పడంతో ఉన్న ఫళంగా వారు బయలు దేరి వినుకొండ వద్దకు వచ్చారు. అప్పటికే అతను రైలు కింద పడిచనిపోవడంతో కన్నీరు మున్నీరయ్యారు. మృతదేహాన్ని రైల్వే పోలీసులు నరసరావుపేట ప్రభుత్వాసుపత్రిలో పోస్టుమార్టం నిర్వహించారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
అమెరికాలో గాజా అలజడి.. భారత సంతతి విద్యార్థిని అరెస్ట్
-
ఓటీటీలోకి యాక్షన్ థ్రిల్లర్ ‘యోధ’.. ప్రస్తుతానికి అద్దె ప్రాతిపదికన..
-
ఈనాడు.నెట్లో టాప్ 10 వార్తలు @ 1 PM
-
రేమండ్ వివాదం.. డైరెక్టర్గా నవాజ్ మోదీ తొలగింపు!
-
అలా చేయాలని చెబితే.. భారత్ నుంచి వెళ్లిపోతాం: వాట్సప్
-
ట్రావిస్ హెడ్ బలహీనతను పట్టిన బెంగళూరు..!