తెలుగు సంస్కృతి కాపాడుకుందాం

మాట్లాడుతున్న రచయిత చంద్రశేఖర్‌

చిత్తూరు (క్రీడలు): తెలుగుజాతి సంస్కృతిని కాపాడుకోవాల్సిన బాధ్యత తెలుగువారిపై ఉందని ప్రముఖ రచయిత చంద్రశేఖర్‌ అన్నారు. హరివిల్లు లలిత కళావేదిక ఆధ్వర్యంలో శోభకృత్‌ ఉగాది నామ సంవత్సర వేడుకల్ని ముందస్తుగా సోమవారం చిత్తూరు రెవెన్యూ భవనంలో ఘనంగా నిర్వహించారు. ఉగాది కవి సమ్మేళనం, సాంస్కృతిక కార్యక్రమాలను నిర్వహించారు. పలువురికి ఉగాది పురస్కారాలు అందజేశారు. ఎస్పీడీసీఎల్‌ డీఈఈ పద్మనాభపిళ్లై, ప్రముఖులు పార్థసారథినాయుడు, బాలరాజు, హరినాయుడు, మునస్వామి, శ్యామల, నాగిరెడ్డి, మొగిలయ్య పాల్గొన్నారు.