పోస్టల్‌ బ్యాలెట్‌ వినియోగానికి నేడు ఆఖరు

చిత్తూరు కలెక్టరేట్‌, న్యూస్‌టుడే: ఎన్నికల విధుల్లో పాల్గొనే సిబ్బంది, అత్యవసర సేవల్లోని ఉద్యోగులు పోస్టల్‌ బ్యాలెట్‌ను వినియోగించుకునేందుకు బుధవారం ఆఖరు గడువు. ఇతర జిల్లాలో ఓటు కల్గి, చిత్తూరు జిల్లాలో పనిచేస్తున్న ఉద్యోగులు కలెక్టరేట్‌లో ఏర్పాటుచేసిన ఫెసిలిటేషన్‌ సెంటర్‌లో ఇప్పటివరకూ 4,034 మంది ఉద్యోగులకుగానూ 2,941 మంది పోస్టల్‌ బ్యాలెట్‌ వినియోగించుకున్నారు.

• మంగళవారం పుంగనూరు నియోజకవర్గంలో 231, నగరి 100, జీడీనెల్లూరు 116, చిత్తూరు 188, పూతలపట్టు 214, పలమనేరు 393, కుప్పంలో 156 మంది ఓటుహక్కు వినియోగించుకున్నారు. జిల్లాలోని ఏడు నియోజకవర్గాల్లో ఈ మూడు రోజుల్లో 10,827 మంది పోస్టల్‌ బ్యాలెట్‌ సద్వినియోగం చేసుకున్నారు.
• అత్యవసర సర్వీసుల్లోని ఉద్యోగులు మొత్తం 4,061 మందికిగానూ  ఇప్పటివరకూ 2,735 మంది పోస్టల్‌ బ్యాలెట్‌ వినియోగించారు. పుంగనూరులో 396 మంది, నగరిలో 101, జీడీనెల్లూరు 327, చిత్తూరు 751, పూతలపట్టు 498, పలమనేరు 355, కుప్పంలో 307 మంది పోస్టల్‌ బ్యాలెట్‌ సద్వినియోగం చేసుకున్నారు.