శారదా విద్యాలయ శతాబ్ది వేడుకల్లో తెలుగు టైటాన్స్‌

హైదరాబాద్‌: హైదరాబాద్‌లోని శారదా విద్యాలయ శతాబ్ది ఉత్సవాలు వైభవంగా జరుగుతున్నాయి. ఈ ఉత్సవాలలో భాగంగా గురువారం ప్రొ కబడ్డీ లీగ్‌ (పీకెఎల్‌)లోని తెలుగు టైటాన్స్‌ జట్టు శారదా విద్యాలయను సందర్శించింది.  విద్యార్థులతో ముచ్చటించిన క్రీడాకారులు విద్యార్థులకు కబడ్డీ మెళకువలనూ వెల్లడించారు. విద్యలో క్రీడలు ఓ భాగం చేసుకోవాలని క్రీడాకారులు పట్టుదల, ఏకాగ్రత, వ్యూహరచన వంటివి కబడ్డీ ఆటతో మెరుగవుతాయన్నారు. వందేళ్ల చరిత్ర కలిగిన విద్యాసంస్థను సందర్శించడం పట్ల తమ ఆనందాన్ని వ్యక్తం చేశారు. ఈ కార్యక్రమంలో శారదా విద్యాలయ ట్రస్టీ, సింథోకెమ్‌ ల్యాబ్స్‌ ఛైర్మన్‌ శ్రీ జయంత్‌ ఠాగోర్‌,  శారదా విద్యాలయ సెక్రటరీ రామ్‌ మాదిరెడ్డి, కరస్పాండెంట్‌ జ్యోత్స్న అంగారా సైతం  పాల్గొన్నారు.