మాజీ సైనికోద్యోగుల జాబ్‌మేళాకు విశేష స్పందన

జ్యోతి వెలిగించి మేళా ప్రారంభిస్తున్న ఎయిర్‌ వైస్‌ మార్షల్‌ పీకే ఘోష్‌

కంటోన్మెంట్‌, న్యూస్‌టుడే: డైరెక్టరేట్‌ జనరల్‌ ఆఫ్‌ రీసెటిల్‌మెంట్‌(డీజీఆర్‌), కాన్ఫిడరేషన్‌ ఆఫ్‌ ఇండియన్‌ ఇండస్ట్రీస్‌(సీఐఐ) సంయుక్తంగా హకీంపేట్‌ ఎయిర్‌ఫోర్స్‌ స్టేషన్‌లో మంగళవారం నిర్వహించిన జాబ్‌ మేళాకు విశేష స్పందన లభించింది. కార్యక్రమానికి ముఖ్యఅతిథిగా వైమానిక దళం ఎస్‌ఓఏ ఎయిర్‌ వైస్‌ మార్షల్‌ పీకే ఘోష్‌ హాజరై మేళాను ప్రారంభించినట్లు రక్షణ పౌర సంబంధాల అధికారులు ఒక ప్రకటనలో వెల్లడించారు. త్రివిధ దళాల్లో పదవీవిరమణ పొందనున్న, పొందిన అధికారులు, ఉద్యోగులకు ఉద్యోగావకాశాలు కల్పించేందుకు ఈ మేళా నిర్వహించారు. 50 వివిధ కార్పొరేట్‌ సంస్థలు పాల్గొని ఎంపికప్రక్రియ చేపట్టగా.. ఇందులో 1241 మంది మాజీ సైనికుద్యోగులు పాల్గొన్నారని తెలిపారు.