ఆనాటి బరిలో ఇద్దరే

లోక్‌సభ ఎన్నికలు జరుగుతున్నపుడు పలు పార్టీల అభ్యర్థులు, స్వతంత్రులు కలిపి 40మంది కంటే ఎక్కువగా బరిలో ఉంటున్నారు. కానీ 1957 ఎన్నికల్లో సికింద్రాబాద్‌ లోక్‌సభ స్థానానికి కేవలం ఇద్దరు అభ్యర్థులే బరిలో నిలిచారు. కాంగ్రెస్‌, ప్రజా సోషలిస్టు పార్టీ అభ్యర్థులు పోటీ చేయగా.. కాంగ్రెస్‌ అభ్యర్థి భారీ మెజార్టీతో గెలుపొందారు. మొత్తం 3,41,797 మంది ఓటర్లు ఉండగా.. 1,47,258 (43.1శాతం) మంది ఓటేశారు. పోలైన ఓట్లలో కాంగ్రెస్‌ అభ్యర్థి అహ్మద్‌ మొహియుద్దీన్‌కి 98,203, ప్రజా సోషలిస్టు పార్టీ అభ్యర్థి ఎస్‌.బి.గిరికి 49,055 ఓట్లు వచ్చాయి.

ఈనాడు, హైదరాబాద్‌