అగ్ని ప్రమాద ఘటనపై కేసు నమోదు

ప్రొద్దుటూరు నేరవార్తలు, న్యూస్‌టుడే: ప్రొద్దుటూరు ఆటోనగర్‌లో మంగళవారం రాత్రి జరిగిన అగ్ని ప్రమాద ఘటనపై గ్రామీణ పోలీసులు కేసు నమోదు చేశారు. బస్సుల మరమ్మతుల కోసం వాహన యజమానులు ఆటోనగర్‌లోని షెడ్డుకు వాహనాలను తీసుకెళ్లారు. మంగళవారం రాత్రి ఉన్నట్టుండి నిలిపి ఉంచిన ఒక బస్సులో మంటలు చెలరేగి పక్కనే ఉన్న మిగిలిన వాహనాలకూ మంటలు వ్యాపించాయి. ఇందులో రెండు బస్సులు పూర్తిగా దగ్ధం కాగా.. మరో నాలుగు ఆర్టీసీ అద్దె బస్సులు స్పల్పంగా కాలిపోయాయి. కేసు నమోదు చేసుకుని దర్యాప్తు చేస్తున్నట్లు ఎస్సై సంజీవరెడ్డి తెలిపారు.