బండి సంజయ్ గెలిస్తే సామాన్యుడు గెలిచినట్లే

జమ్మికుంట: జమ్మికుంటలో భారతీయ జనతా మోర్చా ఆధ్వర్యంలో యువ సమ్మెళనం నిర్వహించారు. తమిళనాడు భాజపా అధ్యక్షుడు అన్నామలై మాట్లాడుతూ.. బండి సంజయ్ పోరాటాలను, నాయకత్వాన్ని కొనియాడారు. ప్రధాని మోదీ గుండెలో బండి సంజయ్‌కు ప్రత్యేక స్థానం ఉందన్నారు. దక్షిణ భారత దేశంలో భాజపాను బలోపేతం చేసేందుకు బండి సంజయ్‌కు జాతీయ ప్రధాన కార్యదర్శి పదవి ఇచ్చారని చెప్పారు. బండి సంజయ్ చేసిన పోరాటాలు దేశానికే ఆదర్శమయ్యాయన్నారు. అనంతరం బండి సంజయ్ మాట్లాడుతూ.. భారతదేశ సింగమలై మన అన్నామలై అత్యున్నతమైన ఐపీఎస్ ఉద్యోగానికి రాజీనామా చేసి భాజపాలో చేరి ప్రజాసమస్యలపై యుద్దం చేస్తున్న నేత అని పేర్కొన్నారు. నిరంతరం పాదయాత్ర చేస్తూ కష్టాల్లో ఉన్న ప్రజలకు అండగా ఉన్న నాయకుడని, తమిళనాడులో భాజపా శక్తివంతంగా తయారు కావడంలో అన్నామలై కీలక పాత్ర పోషించారన్నారు.