26 జిల్లాలను చేయడం గర్వకారణం

సి.బెళగల్‌: ఆంధ్రప్రదేశ్‌ రాష్ట్రంలో ప్రస్తుతం ఉన్న 13 జిల్లాలు 26జిల్లాలుగా రూపాంతరం చెందడం గర్వకారణమని కోడుమూరు ఎమ్మెల్యే జె.సుధాకర్‌ అన్నారు. ఈ సందర్భంగా సీఎం జగన్‌కు ఆయన అభినందనలు తెలిపారు. మండల కేంద్రమైన సి.బెళగల్‌లో వైకాపా నాయకుడు గోవిందరెడ్డి అధ్యక్షతన ఏర్పాటు చేసిన సమావేశంలో ఎమ్మెల్యే పాల్గొని మాట్లాడారు. అంతకు ముందు సి.బెళగల్‌ మండల పరిషత్‌ కార్యాలయం నుంచి బస్టాండ్‌ వరకు ప్రదర్శన నిర్వహించి అంబేడ్కర్‌ విగ్రహానికి పూలమాలలు వేసి నివాళులర్పించారు. అనంతరం వైఎస్‌ఆర్‌ కూడలికి చేరి వైఎస్‌ఆర్‌ శిలా విగ్రహానికి పాలాభిషేకం చేసి పూలమాలలు వేసి నివాళులర్పించారు.