మా నాన్నను గెలిపించండి..

సున్నిపెంట సర్కిల్‌: రానున్న సార్వత్రిక ఎన్నికల్లో శ్రీశైలం నియోజకవర్గం తెదేపా అభ్యర్థిగా పోటీ చేస్తున్న  తన తండ్రి బుడ్డా రాజశేఖర్‌రెడ్డికి ఓటు వేసి గెలిపించాలని, ఆయన కుమార్తె  బుడ్డా మేఘనారెడ్డి కోరారు. సున్నిపెంటలోని 19, 20 బూత్‌లలో ఎన్నికల  ప్రచారం నిర్వహించారు. ఇంటింటికి తిరుగుతూ తన భర్త సాయి జయంత్‌రెడ్డితో కలిసి విస్తృతంగా ప్రచారం చేశారు. సున్నిపెంట అభివృద్ధి చెందాలంటే తెదేపాను గెలిపించాలని సూచించారు. తెదేపా సూపర్‌ సిక్స్‌ పథకాల గురించి ఓటర్లకు వివరించారు. ఆమె వెంట తెదేపా, జనసేన, భాజపా నాయకులు, కార్యకర్తలు తదితరులు ఉన్నారు.