శుద్ధి చేశాకే.. మిషన్‌ భగీరథ నీటి సరఫరా

సిబ్బందికి సూచనలిస్తున్న మిషన్‌ భగీరథ ఈఈ మేఘారెడ్డి
శ్రీరంగాపురం, న్యూస్‌టుడే : ప్రైవేటు ప్లాంట్ల కంటే మిషన్‌ భగీరథ నీరు స్వచ్ఛమైనవని ఈఈ మేఘారెడ్డి అన్నారు. మంగళవారం ‘ఈనాడు’లో ‘నాలుగు రోజులుగా తాగునీటికి పాట్లు’ అనే శీర్షికన ప్రచురితమైన చిత్ర కథనానికి అధికారులు స్పందించారు. ఈ సందర్భంగా ఈఈ మాట్లాడుతూ మిషన్‌ భగీరథ నీటిని వందశాతం శుద్ధి చేసిన అనంతరం గ్రామాలకు సరఫరా చేస్తామని తెలిపారు. విండో సీఈవో శివకుమార్‌ను వివరణ కోరగా.. బోరు ద్వారా నీరు అందకపోవడంతోనే ప్రజలకు సరిపడా నీటిని అందించ లేకపోతున్నామని తెలిపారు. త్వరలో బోరుకు మరమ్మతులు చేయించి నీరందిస్తామన్నారు. కార్యక్రమంలో మిషన్‌ భగీరథ అధికారులు అమిత్‌, లక్ష్మణ్‌కుమార్‌, ఉదయ్‌కుమార్‌ తదితరులు పాల్గొన్నారు.