భాజపా ఎలక్షన్ ఏజెంట్ల శిక్షణ కార్యక్రమం

రాజోలి: జోగులంబ గద్వాల జిల్లా అయిజ పట్టణ భాజపా కార్యాలయంలో బూత్ అధ్యక్షుడు, పోలింగ్ బూత్ ఏజెంట్‌ల సమావేశం నిర్వహించారు. ఈ సమావేశంలో జిల్లా అధ్యక్షుడు రామచంద్రా రెడ్డి  మాట్లాడుతూ.. ప్రతి పోలింగ్ బూత్‌లో ఏజెంట్లు తప్పనిసరిగా ఎలక్షన్ కమిషన్ నియమ నిబంధనలను అనుసరించి, బాధ్యతలు నిర్వర్తించాలని సూచించారు. అలాగే పార్టీ పథకాల ప్రాముఖ్యతను వివరిస్తూ..  ప్రతి  బూత్ పరిధిలోనీ ఓటర్లకు  ప్రచారం చేయాలని ఆదేశించారు. పార్టీ గెలుపునకు కృషి చేయాలని పిలుపునిచ్చారు. కార్యక్రమంలో  గద్వాల్ జిల్లా పార్టీ ప్రధాన కార్యదర్శి జలగరి అశోక్, ఎస్సీ మోర్చా రాష్ట్ర కార్యవర్గసభ్యుడు మాదన్న, పట్టణ అధ్యక్షుడు నరసింహ శెట్టి, ప్రధాన కార్యదర్శులు  ప్రదీప్ స్వామి,  కంపాటి భగత్ రెడ్డి , ఉపాధ్యక్షుడు లక్ష్మణ్ గౌడ్,  తదితరులు పాల్గొన్నారు.