కలెక్టర్ కార్యాలయం ముందు రైతుల ఆందోళన

భువనగిరి: యాదాద్రి కలెక్టరేట్ కార్యాలయం ముందు వలిగొండ మండలం రైతులు ధాన్యం రోడ్డుపై పోసి నిరసన తెలుపుతూ ధర్నా చేశారు. ధాన్యం కొనుగోలు కేంద్రాలు ప్రారంభించి నెల రోజులు గడిచిన ధాన్యం సరిగ్గా తీసుకోవడం లేదని రైతులు ఆరోపించారు. ధాన్యం తీసుకొచ్చి 20 రోజులు గడుస్తున్నా కొనుగోలు చేయడం లేదన్నారు. లారీలు రావడం లేదని, లారీలు వచ్చినా 40 కిలోల ధాన్యం బస్తాకు రూ.5 తీసుకుంటున్నారని ఆరోపించారు. ఏ గ్రేడ్ ధాన్యాన్ని మిల్లుల వద్దకు రాగానే బీ - గ్రేడ్ ధాన్యంగా మార్చి, క్వింటాలుకు 5 కిలోల తరుగు తీస్తున్నారని రైతులు ఆరోపించారు. కల్లాల వద్ద పేరుకు పోయిన ధాన్యంను వెంటనే కొనుగోలు చేయాలని జిల్లా కలెక్టర్ తగు శ్రద్ధ చూపి తమకు నష్టం కలుగకుండా చూడాలని రైతులు కోరారు.