11వ తేదీ ఆరు గంటల వరకే ప్రచారానికి అనుమతి

నెల్లూరు(కలెక్టరేట్‌): ఈనెల 11వ తేదీ సాయంత్రం ఆరు గంటల వరకే ఎన్నికల ప్రచారానికి అనుమతి ఉంటుందని జిల్లా ఎన్నికల అధికారి, కలెక్టర్‌ ఎం.హరినారాయణన్‌ తెలిపారు. బుధవారం నగరపాలకసంస్థ కమాండ్‌ కంట్రోల్‌ సెంటరులో రాజకీయ పార్టీల ప్రతినిధులతో సమావేశాన్ని నిర్వహించారు. ఆయన మాట్లాడుతూ పోలింగ్‌కు 48 గంటల ముందు నిబంధనలను రాజకీయ పార్టీల అభ్యర్థులు పాటించాలన్నారు. పోలింగ్‌ రోజు 200 మీటర్ల దూరంలో ఒక బూత్‌ను రాజకీయ పార్టీ ఏర్పాటు చేసుకోవచ్చని తెలిపారు. సమావేశంలో డీఆర్వో లవన్న, ఎన్నికల విభాగం సూపరింటెండెంట్‌ సుబ్రహ్మణ్యం, తెదేపా, వైకాపా, కాంగ్రెస్‌ ప్రతినిధులు రసూల్‌, హరికృష్ణ, విజయ్‌, బాలసుధాకర్‌ తదితరులు పాల్గొన్నారు.