విద్యార్థుల ఉత్తీర్ణతకు చర్యలు

వింజమూరు, న్యూస్‌టుడే : పదో తరగతిలో ఫెయిల్‌ అయిన విద్యార్థులందరూ అనుబంధ పరీక్షల్లో పాసయ్యేలా హెచ్‌ఎంలు తగిన చర్యలు తీసుకోవాలని జిల్లా విద్యాధికారి పీవీజే రామారావు తెలిపారు. స్థానిక జడ్పీ బాలుర ఉన్నత పాఠశాలలో నియోజకవర్గంలోని 57 మంది హెచ్‌ఎంలతో గురువారం సమీక్ష సమావేశం నిర్వహించారు. మే 24 నుంచి నిర్వహించే సప్లిమెంటరీ పరీక్షలకు ఆయా సబ్జెక్టులలో తగిన తర్ఫీదునిచ్చి సన్నద్ధం చేయాలన్నారు. 590 మార్కులు సాధించిన జలదంకి జడ్పీ ఉన్నత పాఠశాలకు చెందిన పీవీ లక్ష్మీతేజస్విని, 589 మార్కులు సాధించిన సిద్దనకొండూరు జడ్పీ ఉన్నత పాఠశాల విద్యార్థి వి. ధనుష్‌, 587 మార్కులు సాధించిన గుండెమడకల జడ్పీ ఉన్నత పాఠశాలకు చెందిన కె. సాయి తన్మయిలను సన్మానించారు. కార్యక్రమంలో కావలి ఉప విద్యాధికారి పి. రఘురామయ్య, ఎంఈవో ఎం. మధుసూదన్‌రెడ్డి, ప్రధానోపాధ్యాయుడు సీహెచ్‌ మాలకొండయ్య, ప్రధానోపాధ్యాయులు, ఉపాధ్యాయులు, సిబ్బంది పాల్గొన్నారు