పాఠశాల భవన నిర్మాణానికి భూమి పూజ

రామారెడ్డి : రామారెడ్డి మండలం రెడ్డిపేట గ్రామంలో నూతన పాఠశాల భవన నిర్మాణానికి ప్రభుత్వ విప్‌ గంప గోవర్ధన్‌.. పారిశ్రామిక వేత్త తిమ్మయ్యగారి సుభాష్‌రెడ్డితో కలిసి శంకుస్థాపన చేశారు. ఈ సందర్భంగా ప్రభుత్వ విప్‌ మాట్లాడుతూ మండలంలోనే ఆదర్శ పాఠశాలగా రెడ్డిపేట పాఠశాలను తీర్చిదిద్దాలని ఉపాధ్యాయులకు సూచించారు. అనంతరం సుభాష్‌రెడ్డి మాట్లాడుతూ పాఠశాల భవనానికి రూ.1.9కోట్లు మంజూరయ్యాయని.. మిగతా ఖర్చును తాను భరిస్తానని తెలిపారు. విద్యార్థులు ఉన్నత చదువులు చదివి పరిశ్రమలు స్థాపించే స్థాయికి ఎదగాలని ఆకాంక్షించారు. ఈ కార్యక్రమంలో డీఆర్‌డీవో పీవో సాయన్న,  ఎంపీపీ దశరథరెడ్డి, వైస్‌ ఎంపీపీ రవీందర్‌రావు, ఎంపీడీవో విజయ్‌కుమార్‌, సర్పంచి సునందన, ఎంపీటీసీ సభ్యుడు రాజాగౌడ్‌, సర్పంచుల ఫోరం మండలాధ్యక్షుడు రామిరెడ్డి, ప్రజాప్రతినిధులు, విద్యార్థులు తదితరులు పాల్గొన్నారు.