పట్టపగలే దొంగలు పడ్డారు

10 తులాల బంగారం, 2 కిలోల వెండి అపహరణ

 బీరువాను ధ్వంసం చేసిన దుండగులు

నిజామాబాద్‌ నేరవిభాగం, న్యూస్‌టుడే : నాలుగో ఠాణా పరిధిలో పట్టపగలే చోరీ కలకలం రేపింది. అరగంట వ్యవధిలోనే ఇల్లు గుల్లచేశారు. వివరాల్లోకి వెళ్తే వినాయక్‌నగర్‌ తుల్జా భవానీ మందిరం సమీపంలో మధుసూదన్‌ తన కుటుంబ సభ్యులతో శనివారం మధ్యాహ్నం 12.10 గంటలకు ఇంటికి తాళం వేసి బయటకు వెళ్లారు. 12.50 నిమిషాలకు తిరిగి వచ్చే సరికి తాళం పగలగొట్టి ఉంది. లోపలికి వెళ్లి చూడగా బీరువా ధ్వంసం చేసి అందులో నగదు, బంగారం ఎత్తుకెళ్లారు. బాధితులు నాలుగో ఠాణాలో ఫిర్యాదు చేశారు. పది తులాల బంగారం, 2 కిలోల వెండి పోయినట్లు పేర్కొన్నారు. కేసు నమోదు చేసుకొని దర్యాప్తు చేస్తున్నట్లు ఎస్సై సంజీవ్‌ తెలిపారు. స్థానికంగా ఉన్న సీసీ కెమెరాలను పరిశీలిస్తున్న చెప్పారు.