పోలింగ్ శాతం పెంచేందుకు కృషి చేయాలి

కామారెడ్డి పట్టణం: ఓటింగ్ శాతం పెంపునకు అధికారులు కృషి చేయాలని జైరాబాద్ పార్లమెంట్ ఎన్నికల సాధారణ పరిశీలకులు గోపాల్ జి తివారి అన్నారు. కామారెడ్డి పట్టణంలోని ఆదర్శనగర్, దేవునిపల్లి జిల్లా పరిషత్ ఉన్నత పాఠశాలలో ఉన్న పోలింగ్ కేంద్రాలను ఆదివారం ఆయన సందర్శించారు. పోలింగ్ కేంద్రంలో ఉన్న వసతులను పరిశీలించారు. పోలింగ్ కేంద్రంలో ఉన్న ఓటర్ల వివరాలను బూతు లెవల్ అధికారులను అడిగి తెలుసుకున్నారు. ఈ సందర్భంగా ఆయన మాట్లాడుతూ.. ఎన్నికలు స్వేచ్ఛాయుత వాతావరణంలో సజావుగా జరిగే విధంగా ఎన్నికల అధికారులు చూడాలని తెలిపారు.కార్యక్రమంలో జిల్లా కలెక్టర్ జితేష్ వి పాటిల్, ఆర్డీవో రఘునాథరావు, నోడల్ అధికారి రఘునాథ్, బూతు లెవ‌ల్ అధికారులు పాల్గొన్నారు.