మతోన్మాద పార్టీలకు గుణపాఠం చెప్పాలి

కామారెడ్డి పట్టణం: దేశంలో మతోన్మాత పార్టీలకు గుణపాఠం చెప్పాలని సీపీఐ జాతీయ కార్యవర్గ సభ్యుడు అజీజ్‌ భాషా అన్నారు. కామారెడ్డిలో మంగళవారం జిల్లా కౌన్సిల్ సమావేశం నిర్వహించారు. ఈ కార్యక్రమానికి ముఖ్య అతిథిగా హాజరై ఆయన మాట్లాడారు. కేంద్రంలో మతం పేరిట భాజపా రాజకీయం చేస్తోందన్నారు. కార్పోరేట్ శక్తులతో చేతులు కలిపి పేదలకు అన్యాయం చేస్తున్నారన్నారు. లోక్‌సభ ఎన్నికల్లో భాజపాను ప్రజలు ఓడించాలన్నారు. జహీరాబాద్ పార్లమెంట్ అభ్యర్థిగా కాంగ్రెస్ తరపున పోటీ చేస్తున్న సురేశ్‌ శెత్కర్‌ను భారీ మెజార్టీతో గెలిపించాలని కోరారు. కార్యక్రమంలో సీపీఐ రాష్ట్రకార్యదర్శివర్గ సభ్యురాలు పద్మ, జిల్లా కార్యదర్శి దశరథ్, సహాయకార్యదర్శి బాలరాజు, ప్రతినిధులు శంకర్, నర్సింలు, దేవయ్య తదితరులు పాల్గొన్నారు.