గొంతు కోసి యువకుడి దారుణ హత్య

పర్లాఖెముండి :  గజపతి జిల్లాలోని గుసాని సమితి గురండి ఠాణా పరిధిలో  ఓ యువకుడు దారుణ హత్యకు గురయ్యాడు. గుసాని సమితి గురండి ఠాణా పరిధిలో తోట గుమ్మడ  గ్రామ ప్రాంతంలోని ప్రయాణికుల విశ్రాంతి భవనం వెనుక భాగంలో యువకుడిని దుండగులు గొంతు కోసి హతమార్చారు. ఈ రోజు ఉదయం మృతదేహాన్ని గమనించిన  స్థానికులు పోలీసులకు సమాచారం అందించారు. పోలీసులు ఘటనా స్థలానికి చేరుకుని మృతదేహాన్ని పరిశీలించారు.  మృతుడు బట్టి సిరిపురం  గ్రామానికి చెందిన ఎం. లింగరాజు (28) గా గుర్తించారు. ఈ మేరకు కేసు నమోదు చేసి దర్యాప్తు చేపట్టారు.