జవాన్‌ల కాల్పుల్లో యువకుడికి గాయాలు

నవరంగ్‌పూర్‌: జిల్లాలోని రాయ్‌ఘర్ సమితి హతిగావ్ పంచాయతీ లాపిచేడ గ్రామంలో సీఆర్‌పీఎఫ్‌ జవాన్లు కాల్పులు జరిపారు. ఈ కాల్పుల్లో ఒక యువకుడు గాయపడిన ఘటన ఆలస్యంగా వెలుగులోకి వచ్చింది. గ్రామస్థులు తెలిపిన వివరాలు ప్రకారం.. ఆదివారం రాత్రి గ్రామానికి చెందిన శ్రావణ్ గండ్ (24), బిదుగండ్, రామ్ సాయి గండ్, బల్లు గండ్ భోజనం చేసి, చల్లటి గాలి కోసం అడుక వైపుగా వెళ్లారు. హఠాత్తుగా తుపాకీ పేల్చిన శబ్దం వినిపించటంతో ముగ్గురు పరుగులు తీశారు. శ్రావణ్‌కు బుల్లెట్‌ తగిలింది. బాధితుడిని మొదట నవరంగపుర్ ఆసుపత్రికి తరలించారని గ్రామస్థులు తెలిపారు.