20,569 మంది హాజరు

ప్రశాంతంగా జిల్లాలో కానిస్టేబుల్‌ నియామక రాతపరీక్ష

సిబ్బందితో చర్చిస్తున్న ఎస్పీ దీపిక ఎం.పాటిల్‌

విజయనగరం నేరవార్తావిభాగం, న్యూస్‌టుడే: కానిస్టేబుళ్ల ఎంపికలో భాగంగా ప్రాథమిక రాత పరీక్ష జిల్లాలో ఆదివారం ప్రశాంతంగా జరిగింది. 43 కేంద్రాలను ఏర్పాటు చేశారు. 20,569 మంది అభ్యర్థులు రాగా.. 1,057 మంది గైర్హాజరయ్యారు. పోలీసుశాఖ ఆధ్వర్యంలో బస్టాండ్లు, రైల్వే స్టేషన్ల వద్ద ప్రత్యేకంగా హెల్ప్‌డెస్కులు ఏర్పాటు చేశారు. అభ్యర్థుల సౌకర్యార్థం జేఎన్‌టీయూ కూడలి వద్ద రెండు బస్సులను పెట్టారు. దూర ప్రాంతాల నుంచి వచ్చే వారిని ఉచితంగా జేఎన్‌టీయూకు పంపించారు. సీతానగరం ప్రాంతానికి చెందిన ఓ యువకుడు బొబ్బిలి కేంద్రానికి వెళ్లాల్సి ఉండగా, పొరపాటున జేఎన్‌టీయూకు వచ్చేశాడు. అప్పటికే సమయం మించిపోవడంతో స్థానికంగా రాసే అవకాశం ఇవ్వాలని అధికారులను కోరగా, అలాంటి నిర్ణయాలు తీసుకునే అధికారం తమకు లేదని వెనక్కి పంపించేశారు. ఎస్పీ దీపిక ఎం.పాటిల్‌ భద్రతా ఏర్పాట్లను పర్యవేక్షించారు.

తనిఖీలు చేస్తున్న సిబ్బంది