సార్వత్రిక పరీక్షలకు సిద్ధం

పార్వతీపురం పట్టణం, న్యూస్‌టుడే: జిల్లాలో సార్వత్రిక విద్యాపీఠం పదో తరగతి, ఇంటర్మీడియట్‌ పరీక్షల నిర్వహణకు యంత్రాంగం సిద్ధమైంది. సోమవారం నుంచి పరీక్షలు ప్రారంభం కానుండటంతో కేంద్రాల ఏర్పాటు, సౌకర్యాలపై డీఈవో రమణ దృష్టి సారించారు. అభ్యర్థుల హాల్‌టికెట్లు అంతర్జాలంలో ఉన్నాయని, డౌన్‌లోడు చేసుకోవాలని జిల్లా కోఆర్డినేటర్‌ శ్రీనివాసరావు తెలిపారు. ప్రశ్నపత్రాలను ఆయా పోలీస్‌ ఠాణాల్లో భద్రపరిచామని డీఈవో చెప్పారు. పరీక్ష కేంద్రాల వద్ద తాగునీరు, వైద్య శిబిరం, బల్లలు తదితర సౌకర్యాలు ఉండేలా చూడాలని అధికారులను ఆదేశించారు.  

ఇవీ వివరాలు

పరీక్ష తేదీలు: ఈ నెల 3 నుంచి 17 వరకు
కేంద్రాలు: పాలకొండ, సాలూరు ప్రభుత్వ ఉన్నత పాఠశాలలు, భద్రగిరి పీటీజీ, పార్వతీపురం డీవీఎంఎం పాఠశాల.
ఇంటర్మీడియట్‌: పార్వతీపురం కేపీఎం,  వీరఘట్టం జడ్పీ బాలికల పాఠశాల
సమయం: మధ్యాహ్నం 2.30 నుంచి 5.30 వరకు.
హాజరు కానున్న వారు: ఇంటర్మీడియట్‌-480, పది-751 మంది.