రెవెన్యూ సమస్యలపై దృష్టి

పార్వతీపురం, న్యూస్‌టుడే: జిల్లా ఆవిర్భవించక ముందే ఇక్కడ పనిచేసిన అనుభవం ఉందని సంయుక్త కలెక్టర్‌ ఆర్‌.గోవిందరావు అన్నారు. గురువారం ఆయన బాధ్యతలు స్వీకరించారు. అనంతరం మాట్లాడుతూ.. జిల్లా ప్రజలకు మరోసారి సేవ చేసే అవకాశం కలిగిందన్నారు. వారికి రెవెన్యూ సేవలు, ప్రభుత్వ ప్రాధాన్య పథకాలను చేరువ చేస్తామన్నారు. జిల్లాలో రీసర్వే ప్రక్రియ వేగంగా పూర్తి చేసేందుకు ప్రయత్నిస్తామని పేర్కొన్నారు. ప్రతి ఒక్కరూ ప్రగతి కోసం పనిచేస్తే లక్ష్యాలను చేరుకోగలమన్నారు. ‘జగనన్నకు చెబుదాం’ కార్యక్రమంలో వచ్చే రెవెన్యూ సమస్యలకు పరిష్కారాలు చూపే దిశగా యంత్రాంగాన్ని సమాయత్తం చేస్తామని జేసీ గోవిందరావు పేర్కొన్నారు.