కమనీయం.. పుష్పాభిషేకం

ముగిసిన వెంకన్న బ్రహ్మోత్సవాలు

పూల అలంకరణతో ఆకట్టుకున్న కల్యాణ వేంకటేశ్వర స్వామి

జామి, న్యూస్‌టుడే: భీమసింగి సహకార చక్కెర కర్మాగార  పరిధిలోని కల్యాణ వేంకటేశ్వర ఆలయంలో స్వామి బ్రహ్మోత్సవాలు ఆదివారం అర్ధరాత్రితో ముగిశాయి. సింహాచలం  వేదపండితుల ఆధ్వర్యంలో స్వామికి పుష్పాభిషేకం నిర్వహించారు. మూలవిరాట్టును ప్రత్యేకంగా పూలదండలతో అలంకరించారు. ఆలయ కమిటీ సభ్యులు జడ్పీటీసీ సభ్యురాలు గొర్లె సరయు, వైకాపా మండల అధ్యక్షుడు జి.రవికుమార్‌, డీసీసీబీ డైరెక్టర్‌ పాండ్రంగి సంజీవి, కుమరాం సర్పంచి పిన్నింటి ఆదిలక్ష్మి, ఎంపీటీసీ సభ్యురాలు కంది పద్మావతి తదితరులు పాల్గొన్నారు. బ్రహ్మోత్సవాలు విజయవంతం చేసిన భక్తులకు ఆలయ కమిటీ ధన్యవాదాలు తెలిపింది.