జనసేన అభ్యర్థిని నాగమాధవికి బి-ఫారం

పవన్‌కల్యాణ్‌ నుంచి బి-ఫారం అందుకుంటున్న లోకం నాగమాధవి

భోగాపురం, న్యూస్‌టుడే: కూటమి అభ్యర్థినిగా నెల్లిమర్ల నియోజకవర్గం నుంచి బరిలో దిగుతున్న లోకం నాగమాధవి జనసేన అధినేత పవన్‌కల్యాణ్‌ చేతులమీదుగా బి-ఫారం అందుకున్నారు. బుధవారం మంగళగిరిలోని పార్టీ కార్యాలయంలో జరిగిన కార్యక్రమంలో జనసేన పార్టీ అభ్యర్థులకు ఆయన అందజేశారు. ఈ నెల 23న నాగమాధవి  నామినేషన్‌ వేసేందుకు ఏర్పాట్లు చేస్తున్నట్లు పార్టీ వర్గాలు తెలిపాయి. అధిష్ఠానం అభ్యర్థినిగా పేరు ప్రకటించిన నాటి నుంచి ఆమె గ్రామాల్లో పర్యటిస్తూ ముమ్మరంగా ప్రచారం చేస్తున్నారు. నెల్లిమర్లలో జనసేన విజయకేతనం ఎగురవేసేలా కూటమి నాయకులను సమన్వయం చేసుకుంటూ ముందుకు వెళుతున్నట్లు నాగమాధవి పేర్కొన్నారు.