Anand Mahindra: ప్రపంచం ఇలా ఎందుకు ఉండలేకపోతోంది..!: ఆనంద్‌ మహీంద్రా

Anand Mahindra | ఇంటర్నెట్‌ డెస్క్‌: ఎన్నో ఆసక్తికర విషయాలు, ప్రేరణ కలిగించే వీడియోలను తన అధికారిక ‘ఎక్స్‌’ ఖాతా ద్వారా పంచుకుంటుంటారు ప్రముఖ వ్యాపారవేత్త ఆనంద్ మహీంద్రా (Anand Mahindra). తాజాగా ఆయన ఓ చిన్నారి సేవాగుణం, కృతజ్ఞతాభావానికి సంబంధించిన వీడియోను పోస్ట్‌ చేశారు. స్ఫూర్తిదాయకంగా ఉన్న ఈ వీడియో నెట్టింట వైరల్‌గా మారింది.

చక్రాల కుర్చీలో ఉన్న ఓ వ్యక్తిని రోడ్డు దాటేందుకు సాయం చేసిన ఓ బాలిక.. ఇందుకు సహకరించిన వాహనదారులకు మర్యాదపూర్వకంగా కృతజ్ఞతలు తెలుపుతున్నట్లు వీడియోలో కనిపిస్తోంది. ‘‘ప్రపంచం మొత్తం ఇలా ఎందుకు ఉండలేకపోతోంది’’ అంటూ ఆనంద్‌ మహీంద్రా ఆ పోస్టుకు క్యాప్షన్ జోడించారు.

లండన్‌లోనూ డబ్బావాలా ఎఫెక్ట్‌: ఆనంద్‌ మహీంద్రా

ఈ వీడియోపై నెటిజన్లు కామెంట్ల రూపంలో తమ అభిప్రాయాలను పంచుకున్నారు. ‘‘ఇలాంటి క్షణాలే.. ఈ అందమైన ప్రపంచాన్ని మనకు గుర్తుచేస్తాయి’’ అని ఒకరు స్పందించారు. ‘‘పిల్లలకు ఇటువంటి మానవీయ విలువలు నేర్పించాలి’’ అని మరొకరు పేర్కొన్నారు.