నీరు లేక అల్లాడుతున్నాం

పొదిలి నగర పంచాయతీ వద్ద ఆందోళన

పొదిలిలోని కాటూరివారిపాలెం బీసీకాలనీ, ఎస్సీ, ఎస్టీ కాలనీల్లో నీటి సమస్యను పరిష్కరించాలంటూ సోమవారం ఆ ప్రాంతీయులు సీపీఎం ఆధ్వర్యంలో నగర పంచాయతీ ఎదుట ధర్నా చేపట్టారు. గతంలో నాలుగు ట్యాంకర్ల ద్వారా సరఫరా చేసేవారని.. ఇప్పుడు వాటి సంఖ్య తగ్గించడంతో కనీసం వాడుక నీరు కూడా లేక ఇబ్బందిపడుతున్నామన్నారు. ఈ మేరకు ఫ్లకార్డులు ప్రదర్శించారు. సీపీఎం జిల్లా కార్యదర్శి ఎం.రమేష్‌ మాట్లాడుతూ డీప్‌ బోర్లకు తక్షణం మరమ్మతులు చేయించాలన్నారు. అంతర్గత రహదారులు, కాలువలు లేక ఇబ్బందులు ఎదుర్కొంటున్నారన్నారు. పునఃపరిశీలన పేరుతో పింఛన్లు తొలగించేందుకు ప్రభుత్వం కుట్ర చేస్తుందన్నారు. అమ్మఒడి పథకం కింద తొలగించినవారిని మరోసారి పరిశీలించి న్యాయం చేయాలన్నారు. స్థానికులు యోగయ్య, వి.రాఘవులు, బి.మోషె, బి.దేవసహాయం పాల్గొన్నారు.