జగన్‌ను ఇంటికి సాగనంపుదాం

న్యూస్‌టుడే బృందం: అయిదేళ్ల పాలనలో జగన్‌ ప్రభుత్వం రాష్ట్ర్రానికి చేసిన అభివృద్ధి శూన్యమని, పరిశ్రమలను వెళ్లగొట్టి యువతను నిరుద్యోగులుగానే వదిలేశారని కూటమి ఎంపీ అభ్యర్థి కింజరాపు రామ్మోహన్‌ నాయడు, టెక్కలి ఎమ్మెల్యే అభ్యర్థి కింజరాపు అచ్చెన్నాయుడు, నరసన్నపేట ఎమ్మెల్యే అభ్యర్థి బగ్గు రమణమూర్తి, పాతపట్నం ఎమ్మెల్యే అభ్యర్థి మామిడి గోవిందరావు, పలువురు పార్టీ నాయకులు పేర్కొన్నారు. సోమవారం టెక్కలి, నరసన్నపేట, పాతపట్నం నియోజకవర్గాల్లోని ఆయా చోట్ల వారు ఎన్నికల ప్రచారం నిర్వహించారు. ఈ సందర్భంగా సూపర్‌-6 పథకాల కరపత్రాలను స్థానికులకు అందించి, ప్రచారం నిర్వహించారు.