సీఎంతో నిర్వాహకుల భేటీ

స్టాలిన్‌ను కలిసిన మహిళా విభాగ ప్రతినిధులు

చెన్నై, న్యూస్‌టుడే: డీఎంకేలోని పలు విభాగాలకు నియమితులైన నిర్వాహకులు ఆ పార్టీ అధ్యక్షుడైన స్టాలిన్‌తో భేటీ అయ్యారు. డీఎంకేలో పలు విభాగాలకు రాష్ట్రస్థాయి నిర్వాహకులను పార్టీ అధిష్ఠానం నియమించిన విషయం తెలిసిందే. ఈ నేపథ్యంలో మహిళా, విద్యార్థి, కార్యకర్తల విభాగం నిర్వాహకులు పార్టీ అధ్యక్షుడైన ముఖ్యమంత్రి స్టాలిన్‌ను తేనాంపేటలోని అన్నా అరివాలయంలో మర్యాదపూర్వకంగా కలిశారు. వెంట పార్టీ ప్రధాన కార్యదర్శి దురైమురుగన్‌, ఉప ప్రధానకార్యదర్శి, ఎంపీ కనిమొళి, ఆర్గనైజింగ్‌ కార్యదర్శి ఆర్‌.ఎస్‌.భారతి, అధికార ప్రతినిధి టీకేఎస్‌ ఇళంగోవన్‌ తదితరులు ఉన్నారు.