ఆత్మహత్యలు అడ్డుకునేందుకు ట్రాక్టర్ల అందజేత

నటుడు రాఘవ లారెన్స్‌

మాట్లాడుతున్న రాఘవ లారెన్స్‌

వేళచ్చేరి, న్యూస్‌టుడే: అప్పుల బాధ భరించలేక రైతులు ఆత్మహత్యలకు పాల్పడటాన్ని అడ్డుకోవడానికే ట్రాక్టర్లు అందిస్తున్నట్లు ప్రముఖ నటుడు, దర్శకుడు రాఘవ లారెన్స్‌ పేర్కొన్నారు. ‘సేవయే కడవుల్‌’ ట్రస్ట్‌ ప్రారంభించిన ఆయన మార్పు పేరిట అన్నదాతలకు ట్రాక్టర్‌ అందించే కార్యక్రమాన్ని మైలాడుదురై జిల్లా తిల్లయాడిలో మంగళవారం నిర్వహించారు. ఆయన మాట్లాడుతూ రైతులు అప్పులబాధ భరించలేక బలవన్మరణాలకు పాల్పడటం తనను కలచివేసిందన్నారు. రాష్ట్రవ్యాప్తంగా సాయం అందిస్తున్నట్లు తెలిపారు. సద్వినియోగం చేసుకుని లబ్ధి పొందాలని కోరారు.