ముఖ్యమంత్రితో విద్యార్థులు

ముఖ్యమంత్రిని కలిసిన విద్యార్థులు

చెన్నై, న్యూస్‌టుడే: రాష్ట్రంలో సోమవారం విడుదలైన 12వ తరగతి పబ్లిక్‌ పరీక్షల్లో ఉత్తీర్ణత సాధించిన నగరానికి చెందిన ట్రాన్స్‌జెండర్‌ నివేద, నాంగునేరిలో కులవివక్షకు గురైన చిన్నదురై మంగళవారం ముఖ్యమంత్రి స్టాలిన్‌ను కలిశారు. విద్యార్థులను అభినందించి తిరుక్కురళ్‌ పుస్తకాలు, పెన్నులను సీఎం కానుకగా అందించారు. వెంట పాఠశాల విద్యాశాఖ మంత్రి అన్బిల్‌ మహేశ్‌ పొయ్యామొళి, ప్రభుత్వ ప్రధానకార్యదర్శి శివ్‌దాస్‌ మీనా, పాఠశాల విద్యాశాఖ కార్యదర్శి కుమరగురుభరన్‌, సంచాలకులు అరివొళి, తిరునెల్వేలి జిల్లా విద్యాధికారి ముత్తుసామి ఉన్నారు. సచివాలయం ప్రాంగణంలో విలేకర్లతో విద్యార్థి చిన్నదురై మాట్లాడుతూ.. ఎక్కువ మార్కులు పొందినందుకుగాను ముఖ్యమంత్రి పిలిపించి అభినందించారని తెలిపారు. మంత్రి అన్బిల్‌ మహేశ్‌ పొయ్యామొళి కూడా అభినందించారని పేర్కొన్నారు. సీఏ చదవాలన్నది ఆశయమని, సహాయం అందించనున్నట్టు ముఖ్యమంత్రి భరోసా ఇచ్చారని తెలిపారు. కులవివక్షతో దాడికి పాల్పడిన విద్యార్థుల గురించి పాత్రికేయులు ప్రశ్నించగా... అందరూ ఐక్యతతో ఉండాలని, తనపై దాడికి పాల్పడిన విద్యార్థులూ బాగా చదివి వృద్ధిలోకి రావాలని తెలిపారు.