లండన్‌లో కుమారుడితో ఉదయనిధి సందడి

కుమారుడు ఇన్బనిధితో ఉదయనిధి
సైదాపేట, న్యూస్‌టుడే: లండన్‌లో కుమారుడు ఇన్బనిధితో మంత్రి ఉదయనిధి స్టాలిన్‌ ఉల్లాసంగా గడుపుతున్నారు. ఇందుకు సంబంధించిన ఫొటోను ఆయన సామాజిక మాధ్యమంలో పోస్టు చేశారు. లోక్‌సభ ఎన్నికల పోలింగ్‌ ముగిసినా ప్రస్తుతం ఎన్నికల కోడ్‌ అమలులో ఉన్నందున పూర్తిగా అన్ని కార్యక్రమాల్లో పాల్గొనలేని పరిస్థితి ఉంది. దీంతో మంత్రి ఉదయనిధి స్టాలిన్‌ 10 రోజుల పర్యటనగా లండన్‌ వెళ్లారు. వారం క్రితం చెన్నై నుంచి బయల్దేరి వెళ్లారు. విమాన ప్రయాణ సమయంలో తన కుమార్తెతో తీసుకున్న ఫొటో విడుదల చేయగా ప్రస్తుతం లండన్‌లో కుమారుడు ఇన్బనిధితో ఉల్లాసంగా గడుపుతున్న ఫొటోను గురువారం పోస్టు చేశారు. శుక్రవారం చెన్నైకి తిరిగొస్తారని సమాచారం.