ప్రత్యేక రైళ్ల గడువు పెంపు

రైల్వేస్టేషన్‌, న్యూస్‌టుడే: ప్రయాణికుల రద్దీని దృష్టిలో ఉంచుకొని పలు ప్రత్యేక రైళ్ల గడువు పెంచుతున్నట్లు వాల్తేర్‌ సీనియర్‌ డీసీఎం ఎ.కె. త్రిపాఠి తెలిపారు. ధన్‌బాద్‌-ఎర్నాకుళం(03357) వారాంతపు ప్రత్యేక రైలు ఈ నెల 25 నుంచి జనవరి 29 వరకు ప్రతి ఆదివారం ఉదయం 6 గంటలకు ధన్‌బాద్‌లో బయలుదేరి మర్నాడు తెల్లవారుజామున 3 గంటలకు విశాఖ చేరుకొని, ఇక్కడి నుంచి 3.20 గంటలకు బయలుదేరి మంగళవారం ఉదయం 8 గంటలకు ఎర్నాకుళం చేరుకుంటుందన్నారు.

* ఎర్నాకుళం-ధన్‌బాద్‌(-03358) ప్రత్యేక రైలు ఈ నెల 27 నుంచి జనవరి 31 వరకు ప్రతి మంగళవారం రాత్రి 9 గంటలకు ఎర్నాకుళంలో ప్రారంభమై మర్నాడు రాత్రి 11.15 గంటలకు విశాఖ చేరుకొని, ఇక్కడి నుంచి 11.35 గంటలకు బయలు దేరి వెళుతుందన్నారు. ః హటియా-ఎర్నాకుళం(08645) వారాంతపు ప్రత్యేక రైలు జనవరి 2 నుంచి జనవరి 30 వరకు ప్రతి సోమవారం తెల్లవారుజామున 4.50 గంటలకు హటియాలో బయలుదేరి, అదే రోజు రాత్రి 8.43 గంటలకు దువ్వాడ చేరుకొని, ఇక్కడి నుంచి 8.45 గంటలకు బయలుదేరి వెళుతుందన్నారు.

* ఎర్నాకుళం-హటియా(08646) ప్రత్యేక రైలు జనవరి 5 నుంచి ఫిబ్రవరి 2 వరకు ప్రతి గురువారం ఉదయం 7.15 గంటలకు  ఎర్నాకుళంలో ప్రారంభమై మర్నాడు మధ్యాహ్నం 12.08 గంటలకు దువ్వాడ చేరుకొని, ఇక్కడి నుంచి 12.10 గంటలకు బయలుదేరి వెళుతుందని పేర్కొన్నారు.