నేడు పెందుర్తిలో పవన్‌కల్యాణ్‌ బహిరంగ సభ

పెందుర్తి, న్యూస్‌టుడే: సార్వత్రిక ఎన్నికల ప్రచారంలో భాగంగా జనసేన అధ్యక్షుడు పవన్‌కల్యాణ్‌ బుధవారం పెందుర్తిలో నిర్వహించనున్న బహిరంగ సభలో పాల్గొంటారని జీవీఎంసీ తెదేపా ఫ్లోర్‌లీడర్‌ పీలా శ్రీనివాసరావు తెలిపారు. ఆ మేరకు మంగళవారం సాయంత్రం తెదేపా, జనసేన, భాజపా శ్రేణులతో ఆయన కార్యాలయంలో సమన్వయ సమావేశం నిర్వహించారు. పెందుర్తి కూడలిలో జరిగే పవన్‌ కల్యాణ్‌ వారాహి ప్రచార సభకు భారీఎత్తున అభిమానులు, పార్టీ శ్రేణులు తరలిరావాలని పిలుపునిచ్చారు. కార్యక్రమంలో నియోజకవర్గం భాజపా సమన్వయకర్త గొర్లె రామునాయుడు, తెదేపా, జనసేన వార్డు అధ్యక్షులు వేగి పరమేశ్వరరావు, డీబీఎల్‌నాయుడు, నాయకులు వేగి దివాకర్‌, పెంటకోట రాజేంద్రప్రసాద్‌, ఆళ్ల రమేశ్‌, పీలా జితేంద్ర, శరగడం బుజ్జి, వేగి గోవిందు తదితరులు పాల్గొన్నారు.