వైకాపా హయాంలో..అన్నీ నేరాలే!

అనకాపల్లి, అనకాపల్లి పట్టణం, న్యూస్‌టుడే

విశాఖ తెదేపా ఎంపీ అభ్యర్థి శ్రీభరత్‌ను పరిచయం చేస్తున్న తెదేపా అధినేత చంద్రబాబు

వైకాపా హయాంలో విశాఖను గంజాయి హబ్‌గా మార్చారని విశాఖపట్నం కూటమి తెదేపా ఎంపీ అభ్యర్థి భరత్‌ విమర్శించారు. తాళ్లపాలెం సభలో ఆయన మాట్లాడుతూ.. ప్రశాంత విశాఖనగరంలో వైకాపా హయాంలో నేరాలు, ఘోరాలు పెరిగాయన్నారు. ఎన్నికల ప్రచారానికి వెళ్తుంటే సీసీ కెమెరాలు ఏర్పాటు చేయాలని, ముఠాలు పెరిగాయని ప్రజలు అంటున్నారంటే విశాఖలో పరిస్థితి ఎలా ఉందో అర్థం చేసుకోవచ్చన్నారు. చంద్రబాబుహయాంలో గిరిజన ప్రాంతాల్లో కాఫీ తోటలు పెంచి ఉపాధి కల్పిస్తే, వైకాపా హయాంలో తనకు ఉన్న సమాచారం మేరకు గంజాయి తోటలకు అధికంగా పెంచుతున్నారన్నారు. విశాఖలో నేర సంస్కృతి పెరుగుతోందని, దీనికి అడ్డుకట్ట వేయడానికి కూటమి అభ్యర్థులను గెలిపించాలని కోరారు.

మాజీ ఎమ్మెల్సీ మాధవ్‌ మాట్లాడుతూ రాష్ట్ర ప్రజలు, యువత భవిష్యత్‌ను దృష్టిలో పెట్టుకుని తెదేపా, జనసేన, భాజపా పొత్తు పెట్టుకున్నాయన్నారు. కూటమి అభ్యర్థుల విజయానికి ప్రతి ఒక్కరూ కృషి చేయాలన్నారు.

ఎమ్మెల్యే అభ్యర్థులు గంటా శ్రీనివాసరావు (భీమిలి)

వెలగపూడి రామకృష్ణబాబు (తూర్పు)

గణబాబు (పశ్చిమం)

రమేశ్‌బాబు (పెందుర్తి-జనసేన)

విష్ణుకుమార్‌రాజు (ఉత్తరం-భాజపా)