పూర్వ విద్యార్థుల ఆత్మీయ సమావేశం

నెల్లిమర్ల ఉన్నత పాఠశాల పూర్వ విద్యార్థులు

నెల్లిమర్ల, న్యూస్‌టుడే: ప్రభుత్వ ఉన్నత పాఠశాలలో 1994-95లో పదో తరగతి చదువుకున్న విద్యార్థులు సోమవారం రైల్వేస్టేషన్‌ సమీపంలోని ఓ ప్రైవేట్‌ ఎస్టేట్‌లో అత్మీయ సమావేశం నిర్వహించారు. 25 ఏళ్లు పూర్తయిన సందర్భంగా అంతా కలుసుకున్నారు. వివిధ ప్రాంతాల్లో స్థిరపడ్డ వారంతా ఒక్కచోట కలవడంతో ఆనందానికి అవధుల్లేకుండా పోయాయి. చిన్ననాటి తీపి జ్ఞాపకాలను గుర్తు చేసుకున్నారు. ఈ సందర్భంగా వారు మాట్లాడుతూ రానున్న రోజుల్లో సేవా కార్యక్రమాలు చేయాలని నిర్ణయించుకున్నారు. ఈ సందర్భంగా పలువురి నృత్యాలు ఆకట్టుకున్నాయి. అనంతరం గురువులకు జ్ఞాపికలను అందజేశారు.