వలల్లో భారీగా చిక్కుతున్న క్యాట్‌ఫిష్‌

ఉండి కాలువలో దొరికాయి ఇలా..

గరగపర్రు (పాలకోడేరు), న్యూస్‌టుడే: ఉండి కాలువలో క్యాట్‌ఫిష్‌ భారీగా దొరుకుతున్నాయి. చేపల కోసం వలలు వేస్తున్న వారికి నిషేధిత ఈ క్యాట్‌ఫిష్‌ భారీగా వచ్చి పడటంతో వీటిని తొలగించడానికి తీవ్ర ఇబ్బందులు పడుతున్నారు. స్థానికంగా వీటిని ఎవ్వరూ తినరు. భారీ సైజులో ఉండే ఇవి వలల్లో పడటం వల్ల అవి చిరిగిపోవడం తప్ప ఉపయోగం లేదని మత్స్యకారులు వాపోతున్నారు. భీమవరం- తాడేపల్లిగూడెం మార్గంలోని ఉండి కాలువ వంతెన సమీపంలో ఓ వ్యక్తి వేసిన బెండు వలలో 20కి పైగా క్యాట్‌ఫిష్‌ పడటంతో స్థానికులు వీటిని ఆసక్తిగా తిలకించారు. ఒక్కో క్యాట్‌ఫిష్‌ ఐదు కిలోలపైనే ఉంది.