రైలు ఢీకొని వృద్ధుడి మృతి

ఉంగుటూరు, న్యూస్‌టుడే: రైలు ఢీకొని వృద్ధుడు మృతి చెందినట్లు తాడేపల్లిగూడెం రైల్వే ఎస్సై శ్రీహరి బాబు శుక్రవారం తెలిపారు. చేబ్రోలు, బాదంపూడి రైల్వే స్టేషన్ల మధ్య 524/32, 524/06 స్తంభాల మధ్య గుర్తు తెలియని వ్యక్తి మృతదేహాన్ని ట్రాక్‌మ్యాన్‌ గుర్తించి రైల్వే పోలీసులకు సమాచారం ఇచ్చారు. విశాఖపట్నం వైపు వెళ్లే రైలు ఢీ కొట్టడంతో మృతి చెందినట్లు ఎస్సై తెలిపారు. మృతుడి వయసు సుమారు 60 సంవత్సరాలు ఉంటుందని, ఒంటిపై నీలం, నారింజ రంగు లుంగీ ఉందని వివరించారు. కేసు నమోదు చేశామని, మృతుడి ఆచూకీ తెలిసిన వారు 94906 17090 నంబరును సంప్రదించాలని కోరారు.