అడుగడుగునా జన హారతి

తెదేపా అధినేత పర్యటనకు పోటెత్తిన శ్రేణులు
దారిపొడవునా నిరీక్షించి  స్వాగతించిన  జనం

చిన్నారిని ఎత్తుకొని అభివాదం చేస్తూ..

కొయ్యలగూడెం, గ్రామీణ, బుట్టాయగూడెం, పోలవరం, న్యూస్‌టుడే: తెదేపా అధినేత చంద్రబాబునాయుడు ఉమ్మడి జిల్లా పర్యటన రెండో రోజూ ఉత్సాహంగా సాగింది. పోలవరం నియోజకవర్గంలో గ్రామగ్రామాన పార్టీ శ్రేణులు, జనం నీరాజనం పలికారు. కొయ్యలగూడెం, బుట్టాయగూడెం, పోలవరం మండలాల్లో దారిపొడవునా పసుపు జెండాలు, ఫ్లెక్సీలతో పసుపుమయం చేశారు. చంద్రబాబు కోసం గంటల తరబడి వేచి చూశారు. గురువారం ఉదయం నరసన్నపాలెం కల్యాణ మండపంలో నిర్వహించిన బీసీ సదస్సు అనంతరం కొయ్యలగూడెం మీదుగా పోలవరం వరకు రోడ్‌షో సాగింది. బయ్యనగూడెం, కొయ్యలగూడెం, దిప్పకాయలపాడు, కన్నాపురం, పోలవరంలో ఆయన ప్రసంగించారు. బయ్యనగూడెంలో ఒకరు  విల్లును బహూకరించగా చంద్రబాబు దానిని ఎక్కుపెట్టి ప్రజలకు చూపారు. అక్కడ మహిళలు హారతులు పట్టారు.

పోలవరం సభకు హాజరైన జనసందోహం

దొండపూడి రోడ్‌షోలో ప్రసంగిస్తున్న చంద్రబాబునాయుడు, హాజరైన జనం