ఆసరా సొమ్ము కోసం రోడ్డెక్కిన మహిళలు

ఆందోళన చేస్తున్న ఎస్‌హెచ్‌జీ సభ్యులు
మొగల్తూరు, న్యూస్‌టుడే: వైఎస్‌ఆర్‌ ఆసరా నాలుగో విడత సొమ్ములు వెంటనే చెల్లించాలని కోరుతూ స్వయం సహాయక సంఘాల సభ్యులు సోమవారం మొగల్తూరు క్రాంతి పథం కార్యాలయం వద్ద నిరసన ప్రదర్శన చేశారు. ముఖ్యమంత్రి జగన్‌మోహన్‌రెడ్డి ఆసరా నగదు బ్యాంకు ఖాతాలో జమచేసేందుకు ఈ ఏడాది పిబ్రవరి 2న బటన్‌ నొక్కారని చెప్పారు. ఇటీవల ఎన్నికల ప్రచారానికి వచ్చిన చీఫ్‌విప్‌ ప్రసాదరాజు కూడా నిధులు విడుదలయ్యాయని తమ ఖాతాలకు ఎందుకు జమచేయలేదని మహిళలు ప్రశ్నించారు. నేటికి ఆ నగదు తమ ఖాతాకు జమకాలేదని వెంటనే జమచేయాలని కోరారు.