కూటమి గెలుపుతోనే భవిష్యత్తు: దేవినేని

మాట్లాడుతున్న ఉమామహేశ్వరరావు

పెదవేగి, న్యూస్‌టుడే: తెదేపా, జనసేన, భాజపా కూటమి గెలుపుతోనే రాష్ట్రానికి భవిష్యత్తు ఉంటుందని మాజీ మంత్రి దేవినేని ఉమామహేశ్వరరావు అన్నారు. పెదవేగి మండలం వంగూరులో కూటమి దెందులూరు అసెంబ్లీ అభ్యర్థి చింతమనేని ప్రభాకర్‌తో కలిసి ఆయన గురువారం ప్రచారం నిర్వహించారు. ఈ సందర్భంగా మాట్లాడుతూ అయిదేళ్ల వైకాపా పాలనలో రాష్ట్రం దివాలా తీసిందన్నారు. రాష్ట్రాభివృద్ధి కూటమి ప్రభుత్వంతోనే సాధ్యమని, అందుకే కూటమి అభ్యర్థులను గెలిపించాలని ప్రజలకు విజ్ఞప్తి చేశారు. చింతమనేని ప్రభాకర్‌ మాట్లాడుతూ ప్రజల్లో కూటమికి వస్తున్న స్పందన చూస్తే చంద్రబాబు మళ్లీ ముఖ్యమంత్రి అవడం తథ్యమన్నారు. తెదేపా, జనసేన, భాజపా నాయకులు, కార్యకర్తలు పాల్గొన్నారు.