భారీగా కర్ణాటక మద్యం ధ్వంసం

మద్యం సీసాలు ధ్వంసం చేస్తున్న ఎస్‌ఈబీ అధికారులు

మదనపల్లె నేరవార్తలు, న్యూస్‌టుడే : మదనపల్లె ఎస్‌ఈబీ స్టేషన్‌ పరిధిలో వివిధ కేసుల్లో పట్టుబడిన కర్ణాటక మద్యాన్ని శనివారం ధ్వంసం చేశారు. ఈఎస్‌ మధుసూదన్‌, ఏఈఎస్‌ రాధాకృష్ణలు మాట్లాడుతూ... అనంతపురం డీసీ, అన్నమయ్య జిల్లా అదనపు ఎస్పీ రాజ్‌కమల్‌ ఆదేశానుసారం మదనపల్లె ఎస్‌ఈబీ స్టేషన్‌ పరిధిలోని 2020-21, 22 సంవత్సరాల్లో నిర్వహించిన దాడుల్లో 69 కేసులకు సంబంధించి రూ.12,25,200 విలువ చేసే 12,252 కర్ణాటక మద్యం బాటిళ్లను ధ్వంసం చేశామన్నారు. మదనపల్లె డివిజన్‌లో ఎక్కడైనా సారా, కర్ణాటక మద్యం విక్రయాలు చేస్తే కఠినంగా వ్యవహరిస్తామని వారు హెచ్చరించారు. కార్యక్రమంలో సీఐ మురళీకిషోర్‌, ఎస్సై అంజాద్‌బాషా, సిబ్బంది పాల్గొన్నారు.