CM Jagan: జగన్‌ సారు... వారధిని పట్టించుకోరు

ఈనాడు, కడప: ఇది సీఎం జగన్‌ సొంత ఇలాకా పులివెందుల నియోజకవర్గంలోని ప్రధాన వంతెన. చక్రాయపేట మండలం గండిక్షేత్రం నుంచి శ్రీసత్యసాయి జిల్లా కదిరి మార్గంలో పాపఘ్ని నదిపై ఉన్న ఈ వంతెన రెండేళ్ల కిందట భారీ వర్షాలకు కొట్టుకుపోయింది. దీంతో అధికారులు తాత్కాలికంగా పునరుద్ధరించారు. ఇప్పటికీ శాశ్వత ప్రాతిపదికన వంతెన నిర్మాణం చేపట్టలేదు. స్వయనా సీఎం ఇలాకాలోనే వంతెన నిర్మాణం జరగకపోవడంపై ప్రజలు విమర్శలు గుప్పిస్తున్నారు. రెండు జిల్లాలను కలిపే వారధి నిర్మాణంపై తాత్సారంతో భారీగా వరదలొచ్చే పక్షంలో రాకపోకలకు తీవ్ర అంతరాయం కలగనుంది.