కమలాపురంలో యువకుడి దారుణ హత్య

కమలాపురం: పట్టణంలోని పకీర్‌ వీధిలో యువకుడు దారుణహత్యకు గురయ్యాడు. మృతుడిని మహమ్మద్‌ ఘనీ (26)గా గుర్తించారు. సోమవారం అర్ధరాత్రి ఒంటిగంట సమయంలో 15 మంది దుండగులు ఇంట్లో చొరబడి విచక్షణా రహితంగా కత్తులతో పొడిచారు. అడ్డువచ్చిన తల్లిదండ్రులనూ బెదిరించారు. తీవ్ర గాయాలపాలైన ఘనీని స్థానికులు హుటాహుటిన స్థానిక ప్రభుత్వాసుపత్రికి తరలించారు. అప్పటికే మృతిచెందినట్లు వైద్యులు నిర్ధరించారు. సమాచారం అందుకున్న పోలీసులు ప్రభుత్వాసుపత్రికి చేరుకున్నారు. బంధువుల ఫిర్యాదు మేరకు కేసు నమోదు చేశారు. పోస్టుమార్టం నిమిత్తం మృతదేహాన్ని కడప రిమ్స్‌కు తరలించారు.