దిల్లీ: లోక్‌సభ ఎన్నికల పోలింగు ప్రతి దశలోనూ వాస్తవ గణాంకాలను వెంటనే విడుదల చేయాలని కోరుతున్న విపక్ష ఇండియా కూటమి నేతలు గురువారం ఎన్నికల సంఘాన్ని కలుసుకొని ఆ మేరకు విన్నవించనున్నారు. అలాగే భాజపా ప్రచారంలో మతపరమైన చిహ్నాల ప్రదర్శన గురించి కూడా వీరు ఫిర్యాదు చేయనున్నారు. ముగ్గురు ఎన్నికల కమిషనర్లతో ఆయా అంశాలను చర్చించి తమ డిమాండ్లతో కూడిన వినతిపత్రాన్ని విపక్ష నేతలు సమర్పించనున్నారు. మొదటి రెండు దశల్లో పోలింగు వివరాల వెల్లడికి జరిగిన జాప్యంపై కాంగ్రెస్‌, టీఎంసీ, సీపీఎం ఇప్పటికే ఈసీకి లేఖలు రాశాయి. పోలింగు ముగిసిన వెంటనే బూత్‌ల వారీగా నమోదైన వాస్తవ ఓట్ల వివరాలు అభ్యర్థులకు అందుబాటులో ఉంచుతున్నట్లు ఈసీ సైతం వివరణ ఇచ్చింది.